تاند (دوشنبه د لیندۍ ـ قوس ۳مه) د بلخ ولایت د والي ویاند حاجي زید وايي، د افغانستان او ازبکستان ترمنځ دوې نوري سوداګریزي هوکړي هم شوي دي.
حاجي زید پرون شپه په یوه خبرپاڼه کې ویلي چې، د یادو هوکړو پر اساس به د افغانستان سکاره دغه هیواد ته صادرېږي.
خبرپاڼه زیاتوي چې، په دې سره به د سیمنټو بیې راکښته او د درملو په وارداتو کې به افغانستان یو بل بدیل هم پیدا کړي.
دا هوکړې داسې مهال شوي چې، شاوخوا دوه اوونۍ مخکې افغانستان او د دغه هیواد د ځمکني او هوايي دهلېز تړون هم لاسلیک کړ.
د دغه تړون پر اساس به د افغانستان مېوې، کرنییز محصولات او بسته بندي شوي غوښې ازبکستان او د دغه هیواد له لارې منځنۍ او جنوبي اسیا او روسیې ته صادرېږي چې، لومړۍ محموله یې وړمه ورځ صادره شوه.