تاند ( جمعه د لړم ـ عقرب ۳۰مه) د افغانستان برښنا شرکت ویلي چې، له ازبکستان څخه د ۲۲۰ کیلو ولټه وارداتي برښنا لېږد مزي، چې مخکې په تاشقرغان تنګي کې د زلزلو له کبله زیانمن شوي وه؛ د دې شرکت د لوړ ولټاژ تخنیکرانو لهخوا بیارغول کیږي.
یاد شرکت زیاته کړې چې دوی هڅه کوي په راتلونکي ژمي کې د هر ډول تخنیکي ستونزو مخه ونیول شي.
د افغانستان برښنا شرکت د خبرپاڼې له مخې؛ له ازبکستان څخه وارد شوې برښنا به د جمعې په ورځ (د لړم ۳۰مه) د سهار له ۶ بجو څخه د ماښام تر شاوخوا ۵ بجو پورې پرې وي.
په خبرپاڼه کې د بغلان ولایت په ځینو برخو او همدارنګه د پروان، کاپیسا، پنجشېر، کابل، ننګرهار، لغمان، غزني، میدان وردګ، لوګر، پکتیا او خوست ولایتونو کې وارداتي برښنا به قطع وي.
دا ترمیم داسې مهال ترسره کېږي چې تازه د افغانستان او ازبکستان ترمنځ د ۲۰۲۶ کال لپاره د برېښنا لېږد تړون وغځېده.
د بريښنا شرکت په اېکسپاڼه پرون پنجشنبه لیکل شوي چې، د دې تړون په نويکولو سره په راتلونکي کال کې د هېواد برېښنا انرژۍ د اړتیا پورهکېدو ترڅنګ د اقتصادي پياوړتيا، پانګونې جذب او د برېښنا بنسټونو پراختيا لپاره لار هوارېږي.