تاند ( چهارشنبه د لړم ـ عقرب ۲۸مه) د طالبانو د حکومت رسنیو ویلي چې، د صنعت او سوداګرۍ وزیر به نن چهارشنبه په رسمي سفر د هندوستان پلازمېنې نوي ډیلي ته روان شي.
رسنیو د باوري سرچېنو له قوله ویلي، چې نورالدین عزیزي به په دې سفر کې د دواړو هېوادونو ترمنځ د سوداګریزو اړیکو، صادارتو او وارداتو پراختیا په اړه له هندي چارواکو سره خبرې وکړي.
د صنعت او سوداګرۍ وزیر داسې مهال هند ته په سفر ځي، چې څو ورځې وړاندې یې د ایران سیستان بلوچستان ولایت ته هم د سفر پر مهال ایراني چارواکو سره د سوداګریزو او ټرانزیټي اړیکو په پراختیا خبرې وکړې.
بل لورته تازه بیا ایراني سوداګرو د افغانستان پر کانونو پانګونې ته لېوالتیا ښودلې ده.