تاند (شنبه د لړم ـ عقرب ۱۷مه) پرون جمعه د طالبانو د قومونو، قبایلو او سرحدونو وزیر ملا نورالله نوري د پاکستان دفاع وزیر خواجه آصف ته ګواښ او د جګړې خبرداری ورکړ.
ملا نورالله ویلي، چې پاکستان او افغانستان په ځمکه نښتي او خواجه آصف باور لري، که طالبانو سره نښته کوي، د هېواد سپين ږیري او ځوانان به ور ووځي.
تر دې وړاندې د پاکستان دفاع وزیر خواجه آصف طالبانو ته خبرداری ورکړی و، چې که خبرې ناکامې شي، اسلام آباد به مستقیم پوځي اقدام وکړي.
که څه هم د استانبول درېیم پړاو مذاکرات بې نتیجې پای ته ورسېدل، خو باور دا دی چې دا کړکېچ ښايي د طالبانو د خپلواک دریځ د څرګندولو او د پاکستان د نفوذ د کمولو لپاره پلان شوی و.
دا څرګندونې داسې مهال کېږي، چې د طالبانو او پاکستان ترمنځ د ترکیې په استانبول کې درېیم پړاو مذاکرات پرته له کومې هوکړې بې نتیجې پای ته رسېدلي.
ذبیح اللع مجاهد وایي د پاکستاني پلاوي غیرمسوولانه چلند مذاکرات له ماتې سره مخ کړل.