تاند (جمعه، د لوم/ عقرب ۱۶ مه) د کندهار ولایت په میوند ولسوالۍ کې د جمعې په سهار د یوې ترافیکي پېښې له امله اووه کسان مړه شوي دي.
د کندهار د پولیسو ویاند ملا اسدالله جمشید رسنیو ته وویل چې دا پېښه د میوند ولسوالۍ په توري سیمه کې د یوه بار وړونکي موټر او بار وړونکي ټریلر د ټکر له امله رامنځته شوې ده.
هغه زیاته کړه چې په دې پېښه کې د یوې ښځې او ماشوم په ګډون اووه کسان وژل شوي دي.
هغه د پېښې لامل د موټر تیز سرعت وباله.