تاند (دوشنبه د لړم ـ عقرب ۱۲مه) د پاکستان لومړي وزیر، شهباز شریف په بلخ او سمنګان ولایتونو کې د تېرې شپې د زلزلې له امله خواشیني ښودلې ده.
شریف د قربانیانو کورنیو ته تسلیت وړاندې کړی او ټپیانو ته یې د بېړنۍ روغتیا هیله څرګنده کړې ده.
شریف داسې مهال دا خواخوږي ښیي چې له بلې بیا پاکستان له افغانستان سره د وروستي کړکیچ له امله ټولې لارې تړلې دي.
پاکستان یوازې د راستنېدونکو کډوالو لپاره د تېرې شنبې په ورځ تورخم او سپین بولدک لارې پرانیستې.
اخواد افغانستان د سولې لپاره د امریکا ځانګړي استازي زلمي خلیلزاد پر خپل ایکسپاڼه په شمالي ولایتونو کې پر زلزلې او اوښتو تلفاتو خواشیني څرګنده کړې ده.
هغه همدارنګه د مزارشریف ښار روضې ته د اوښتي زیان په اړه هم خواشیني ښودلې ده.
په یاده زلزله کې د طالبانو د عامې روغتیا وزارت په وینا تر دې دمه تر ۶۰۰ کسانو ته مرګ ژوبله اوښتې او لاهم د مرګ ژوبلې شمېره په لوړېدو ده.
سلګونه کورونه هم په یاده زلزله کې نړېدلي دي.