تاند (سې شنبه د لړم ـ عقرب ۶مه) د قزاقستان شیکمنت ښار کې د افغاني تولیداتو او محصولاتو درېیم نندارتو د افغان او قزاقي چارواکو په شتون کې پرانېستل شو.
د افغانستان صنعت او سوداګرۍ وزیر نورالدین عزیزي یاد نندارتون د دواړو هېوادونو د اقتصادي او سوداګریزو اړیکو پراختیا برخه کې مهم بللی دی.
عزیزي ویلي، افغانستان د کرنیزو، غذایي صنایع، غالیو، قیمتي ډبرو او ودانیزو توکو تولید سره د قزاقستان او نورو هېوادونو بازارونو ته د صادراتو لپاره همکارۍ ته چمتو دی.
د یادونې ده، چې افغان – قزاق نندارتون کې لسګونه شرکتونو د افغانستان کورني تولیدات نندارې ته وړاندې کړي دي.
ټاکل شوې دغه نندارتون د روانې اکتوبر میاشتې تر ۳۰مې پرانیستی وي.