تاند (یکشنبه د لړم ـ عقرب ۴مه) د طالبانو د حکومت ولایتي مسوولان وايي، د کابل ـ کندهار پر لویه لار په غزني ولایت کې د ترافیکي پېښې له امله ۲۰ تنه مړه او ژوبل شوي دي.
مسوولات زیاتوي چې دغه ترافیکي پېښه د غزني په قره باغ ولسوالۍ کې د یوه مازده او هاېلکس موټر ترمنځ د ټکر له امله رامنځته شوې ده.
پېښه کې څلور تنه مړه او د ښځو او ماشومانو په ګډون ۱۶ تنه ژوبل دي.
د ټرافیکي پېښې لامل د موټر چلوونکو بې غوري یاده شوې ده.
افغانستان یو له هغو هېوادونو شمېرل کېږي چې، عام خلک یې ډېری وخت ترافیکي پېښو کې قرباني ورکوي.
د ترافیکي قوانینو نه پلي کېدل، غیرمعیاري سړکونه، بهرني لاس موټرو زیاتوالی او د موټرچلوونکو بې احتیاطي د ترافیکي پېښو د زیاتوالي لوی لاملونه یادېږي.