تاند (یکشنبه د تلې ـ میزان ۲۷مه) د افغان سولې لپاره د امريکا پخواني ځانګړي استازي افغانستان کې د طالبانو د حکومت او پاکستان ترمنځ پر اوربند د کړې هوکړې هرکلی کړی دی.
خلیلزاد په خپله اېکس پاڼه ليکلي، چې د قطر او ترکيې په منځګړتوب افغانستان او پاکستان يوې هوکړې ته رسېدلي دي.
دا اوربند پر ډېورنډ کرښه د څو ورځو نښتو او د پاکستان له لوري پر کابل او ځېنو نورو ولايتونو له هوايي بريدونو وروسته رامنځته شوی، چې درنه مرګ ژوبله يې هم درلوده.
ويل کېږي چې د دواړو لورو پلاوي به د اکتوبر په ۲۵مه نېټه بيا په استانبول کې سره وويني، څو د تاوتريخوالي د کمولو او د سولې د خبرو بهير ته دوام ورکړي.
دغې هوکړې پر خواله رسنیو هم بېلابېل غبرګونونه راپارولي دي.