د امریکا د دفاع وزیر، پیټ هیګسیت، د پوځ له مشرتابه وغوښتل چې د «سیاسي سموالي» پر وړاندې جګړه وکړي او د «جنګیالي ذهنيت» بېرته راولي.
هغه د پوځ جنرالانو ته په خپلو څرګندونو کې پر «چاغو پوځیانو» نیوکه وکړه او ویې ویل چې پوځیان باید بېرحمانه عمل وکړي او د جګړې دودیز قوانین هېر کړي.
هیګسیت د اقلیم د بدلون د ستاینې او د هغه په وینا د «زهرجنو ایډیالوژیکو افکارو» پر وړاندې هم خبرې وکړې، چې د هغه په باور د پوځ د پیاوړتیا مخه نیسي.
د هغه په ټکو کې پوځ باید د نرمښت پر ځای د سختۍ او بېرحمۍ لاره خپله کړي.
هیګسیت وویل چې د پوځ په لیکو کې ډېر سسترفتاره او «چاغ» سرتېري شته، چې د جګړې د واقعي روحیې خلاف کار کوي.
هغه ټینګار وکړ چې پوځیان باید په جګړه کې بېرحمانه او کلک عمل وکړي او نور د جګړې د نړیوالو او دودیزو اصولو پر ځای «د بریا لپاره هر ډول اقدام» ته چمتو وي.
هیګسیت همدارنګه د پوځ د ظاهري انضباط په اړه خبرې وکړې او د اوږدو ویښتو او ږیرو پر ضد یې هم دریځ څرګند کړ.
هیله ده د امریکائی پوځیانو د بیرحمی حس دومره قوی او غښتلی شی چی حتی خپل وولس هم ځله څیری پیری کړی.