تاند (پنجشنبه، د تلې/ میران ۳ مه) د ههنگاو په نوم د بشري حقونو موسسې خبر ورکړی چې یوه افغان جوړه د ایران په سیستان او بلوچستان ولایت کې د ماین د چاودنې له امله وژل شوې ده.
د راپور له مخې، دا پېښه د سراوان ولسوالۍ په سرحدي کلي کلهگراند کې د دوشنبې په ورځ، د سنبلې په ۳۱مه، شوې ده.
تر اوسه د وژل شوې جوړې د هویت په اړه څه نه دي ویل شوي.
ههنگاو، چې تر ډېره د ایران د بلوچ مېشتو سیمو د بشري حقونو وضعیت څاري، ویلي، دغه جوړه د پېښې له ځایه د تېرېدو پر مهال د دې له امله د ماین ښکار شوه چې په سیمه کې د ماینښخونې د خطر د خبرداري کومه نښخ نه وه نصب شوې.
هه نګاو نه دي ویلي چې په دې سیمه کې ماین ولې اېښودل شوی و.