تاند ( د تلې – میزان لومړۍ) د سرو زرو د توپ د ورکولو او د ۲۰۲۵ کال د غوره لوبغاړو د معرفي کولو مراسم پرون شپه (دوشنبه) د فرانس فوتبـال مجلې له لوري په پاریس ښار کې د «تېاتر دو شاتله» په تالار کې ترسره شول.
د دغو مراسمو په پای کې عثمان دمبله د کال غوره لوبغاړی وټاکل شو او د سرو زرو توپ یې ترلاسه کړ.
دغه راز د ښځو برخه کې «آیتانا بونماتی» د بارسلونا هافبک د کال غوره لوبغاړې ونومول شوه او د سرو زرو توپ یې ترلاسه کړ.
دغه راز د بارسلونا بل لوبغاړي «لامین یامال» د کال د تر ټولو ځوان لوبغاړي جازه خپله کړه.
بل لورته د فرانس فوتبال «لوییس انریکه» چې اوسمهال د پاریسن ژرمن سر روزونکی دی د کال د غوره روزونکي په توګه ونومول شو.
د منچسټر سیټي ګول ساتونکي «جان لوئیجی دوناروما» د کال د غوره ګول ساتونکي جایزه ترلاسه کړه او د ارسنال لوبغاړي «ویکتور اوکریش» د کال د غوره ګول وهونکي جایزه ترلاسه کړه.
دغه راز د کال د فوټبال غوره لوبډله بیا پاریسنژرمن اعلان شو.