تاند『دوشنبه د زمري ـ اسد ۲۷مه』د ملګرو ملتونو د خوړو نړیوال پروګرام (WFP) تازه په یوه راپور کې خبرداری ورکړی، چې پر افغانستان د نړیوالو مرستو له ځنډېدو او د مالي سرچېنو د کمښت له امله په دغه هیواد کې په سلګونه زره مېندې او ماشومان پر ځوارځواکۍ اخته شوي دي.
په راپور کې راغلي چې اوسمهال په افغانستان کې ۹.۵ میلیونه خلک د خوړو له سخت نا امني سره مخ دي چې له ډلې یې ۴.۶ میلیونه میندې او ماشومان بیړنیو مرستو ته اړتیا لري.
د راپور د مالوماتو پر اساس سږ کال ۳.۵ میلیونه له پنځو کلونو کم عمره ماشومان او له یو میلیون څخه زیاتې میندوارې او شیدې ورکوونکې ښځې د سختې خوارځواکۍ له ګواښ سره مخ دي.
د خوړو نړیوال پروګرام دغه راز زیاته کړې، چې بودیجه یې مخ په کمېدو ده او یوازې د وران ۲۰۲۵ کال تر پایه د بشري فعالیتونو د دوام لپاره له ۶۵۰ میلیون ډالرو څخه زیاتو بیړنیو پیسو ته اړتیا لري.
بلخوا د ملګرو ملتونو د بشري مرستو د همغږۍ دفتر «اوچا» د راپور له مخې، دا شمېر د تېرو څلورو کالو پرتله ډېر شوی او د دغه وضعیت لامل بېوزلي او د خوړو نه خوندیتوب په ګوته کړی دی.
دا په داسې حال کې ده چې عام خلک وایې، د طالبانو له حاکمیت وروسته کاري فرصتونه په کمېدو دي، او په ټول هېواد کې بېوزلي او لوږه هم زیاته شوې ده.