تاند『یکشنبه د زمري ـ اسد ۲۶مه』د طالبانو د کار او ټولنیز چارو وزارت د افغانستان د خپلواکۍ د ۱۰۶مې کلیزې په مناسبت د زمري میاشتې ۲۸مه په هېواد کې عمومي رخصتي اعلان کړه.
د طالبانو د یاد وزارت د خبرپاڼې له مخې د روانې زمري میاشتې ۲۸مه چې راتلونکې سه شنبه ده، یوه ورځ به عمومي رخصت وي.
۱۰۶ کاله وړاندې شاه غازي امان الله خان له انګرېزي استعماره د افغانستان خپلواکي اعلان بېرته ترلاسه کړه.
دا خپلواکي د درې رنګه ملي بیرغ لاندې علي حضرت امان الله خان اخیستې، خو طالبانو له څلورو کلونو راهیسې پرې سخت بندیزونه لګولي دي.
د جمهوري نظام پر مهال د هېواد خپلواکۍ ورځې نمانځلو لپاره افغان حکومت ځانګړې بودیجه منظوروله څو د خپلواکۍ ورځۍ په مناسبت پراخ او شانداره تیاری وشي.
سلګونه زره افغانان په دې ویاړلې ورځ د ښارونو واټونو ته راوتل او د درې رنګه ملي بیرغ لاندې یې د ملي یووالي، اتحاد او خپلواکۍ شعارونه ورکول.
طالبانو له دې وړاندې هم په هېواد کې یو شمېر ملي ورځې او نېټې لغوه کړې دي.
افغانان له طالبانو غوښتنه کوي، چې د افغانستان له ملي ارزښتونو، ورځو او مناسبتونو سره خپله دښمني پای ته ورسوي.
دری زنګه بیرغ ملی او د خلکو په زړونو کی زرغون بیرغ دی. سپین بیرغ په یوه تنظیم یا ډلی پوری رابط لری چی د کلیمی په خاطر یی خلک احترام کوی کنه نو د یوی خرنې او کفن په شان نور څه پکی نشته. صرف یوه ډله ورسره مینه لری چی هغه هم د حقانې د مدرسی روزلی چړیان دی. دری رنګه بیرغ د پاکستان په امر لغو شوی ځګه چی دا دری رنګه بیرغ په پښتونخوا کی هم د میلونونو افغانانو په زړونو کی ځای لری چی د آی اس آی ورسره دښمنی ده. نو کچیری طالب دری رنګه بیرغ خپل کړی بیانو آی اس آی به دا څنګه تحمول کړی؟ خو د حکومتونو په بدلیدو به شاهد اوسې چی دری زنګه بیرغ به بیرته ژوندی کیږی. بله دا چی دری رنګه بیرغ د انګلیسانو په ضد پورته شو دا چی طالب مشران زیاتره د دیوبند د مدرسی مریدان دی نو یو دلیل به یی هم دا وی چی دری رنګه بیرغ به د انګریزانو په امر بند شوی وی ځکه چی دیوبندیان ټول د انګلیسو جاسوسان دی.
کچیری د اسد (زمری) 28 طالبان ونمانځی بیا. بیا به ټول طالبان د انګریزانو غلامان معرفی نو لدی وجی یی لمانځی ـ
د درې ړنګه ملی بیرغ ښکته کول , د انجونو د ښونځیو تړل او د ګران هیواد د ملی ارزښتونو سره دوښمنی مستقیمن د ناپاکستان د شیطانی پروژې لخوا تر سره شوی او د افغانانو تر مینځه د نفاق اور ته لمن وهل ادامه لری , د ناپاکستان شیطانی پروژه خپله بقا زمونږ د هیواد په وارانولو کی وینی