تاند『پنجشنبه د زمري ـ اسد ۲۳مه』د افغانستان پخواني ولسمشر، حامد کرزي پر نورستان د پاکستان د توغندیزو بریدونو په تړاو خپروو شویو راپورونو ته اندېښنه څرګنده کړې او دا یې غندلي دي.
کرزي له پاکستان غوښتي، چې د افغانستان ملي حاکمیت ته درناوی وکړي او د نړیوالو اصولو او مقرراتو له ماتولو تېر شي او د ښه ګاونډیتوب پر اساس چلند وکړي.
څو ورځې وړاندې د یو شمېر ایراني رسنیو سربېره، کورنیو رسنیو راپورونه ورکړل، چې پاکستان د هېواد ختیځ نورستان ولایت پر توغندیزو بریدونو ویشتلی دی.
پاکستان ادعا کوي، چې له افغان خاورې د تحریک طالبان پاکستان وسله وال ور اوړي، خو شواهد ښيي، چې په دغو بریدونو کې عامو افغانانو ته مرګ ژوبله اوښتې.
پر نورستان، کونړ او د پکتیکا په ګډون پر یو شمېر ولایتونو د پاکستان بریدونه نوي نه دي.
د طالبانو په حاکمیت سره دا څوم ځل دی، چې پاکستان د افغانستان حاکمیت نقضوي.
طالبانو تر اوسه د دغه بریدونو او له امله یې د مرګ ژوبلې یا اوښتي زیان په تړاو څه نه دي ویلي.