تاند『پنجشنبه د زمري ـ اسد ۲۳مه』له افغانستان سره د ایران د پولې بندولو قومندان وايي، چې د ۳۰۰ کیلومتره اوږد دېوال ۱۳۰ کیلومتره یې جوړ کړی دی.
صادق نوري یوې خبري غونډې ته ویلي، چې د روان لمریز کال تر پای به د دې دېوال خورا ډېره برخه جوړه شي.
ایران پر دغه دېوال ټیکنالوجیک وسایل هم لګوي.
د نوري په وینا همدا پر څار کمرو ولاړه برخه یې ډېره مهمه ده.
ایران د ۲۰۲۴ کال اګست کې ویلي و چې له افغانستان سره پر پوله د پنځو ولایتونو مازندران، ګلستان، خراسان رضوي، خراسان شمالي او خراسان جنوبي کې دېوال جوړوي.
د دوی په خبره، دا څلور متره جګ دېوال د اغزن مزي په لګولو سره په دریو کلنو کې بشپړېږي.
ایران له پاکستان سره پر پوله هم ورته دېوال پیل کړی دی. دغه هېواد د ناقانونه ګډوالو او د وسلوالو د ور اوښتو د مخنیوي لپاره دا دېوال جوړوي. #ABN #IRAN #AFGHANISTAN