تاند / چهارشنبه د زمري- اسد ۲۲مه/ ویسټنډیز د سیریز په وروستۍ او فیصله کوونکې یو ورځنۍ لوبه کې پاکستان ته د ۲۰۲ منډو په توپیر ماتې ورکړه او د درېیو لوبو سیریز یې ۱-۲ خپل کړ.
د پاکستان او ویسټنډیز ترمنځ درېیمه یو ورځنۍ لوبه په ټرینیډاډ لوبغاليکې وشوه. په دې لوبه کې پاکستان پچه وګټله او کوربه لوبډلې ته یې د توپ وهنې بلنه ورکړه.
ویسټنډیز پاکستان ته د ۲۹۵ منډو هدف وټاکه.
په ځواب کې د پاکستان ټوله لوبډله په ۹۲ منډو وسوځېده او په دې سره ویسټنډیز د پاکستان پر وړاندې ۳۴ کاله وروسته د یوه ورځنیو لوبو سریز کې بریا خپله کړه.
د پاکستان ۵ لوبغاړي صایم ایوب، عبدالله شفیق، محمد رضوان، حسن علي او ابرار احمد په دې لوبه کې په صفر وسوځیدل.
پاکستان د کرکټ په ډګر کې په دې وروستیو کې له سختو ماتو سره مخ ده او له همدې امله پاکستانۍ لوبډله د خپلو مینه والو تر فشار لاندې ده.