تاند『جمعه د چنګاښ ـ سرطان ۲۰مه』بدخشان کې د یوې ترافیکي پېښې له امله د یوې کورنۍ ۵ غړي وژل شوي او ۱ بل ټپي دی.
په وژل شویو کسانو کې زوم او ناوې هم شامل دي.
د طالبانو امنیه قومانداني ویلي، چې دا پېښه تېره شپه د تشکان – کشم له سړکه د یوه موټر لوېدو له امله رامنځته شوې ده.
سرچینه وايي، موټر د چلوونکي د بې پامۍ له امله له سړکه وتلی دی.
په دې وروستیو کې د ترافیکي پېښو له امله د مرګ ژوبلې ګراف تر ریکارډ کچې لوړ شوی دی.
بل لورته د نظر خاوندان بیا د موټر چلوونکو د بې احتیاطۍ تر څنګ په معیار نه جوړ شوي سړکونه هم د پېښو د زیاتوالي لامل بولي.
دوی وایي که په هېواد کې سړکونه معیاري او د غیر قانوني موټر چلوونکو مخه ونیول شي نو د پېښو ګراف به را ټیټ شي.