تاند『چهارشنبه د چنګاښ ـ سرطان ۱۸مه』د طالبانو د کار او ټولنیزو چارو وزارت راستنو شویو کډوالو ته د کاري فرصتونو د برابرولو کمېټې نوبتي غونډه وکړه.
په دې غونډه کې د کارموندنې په موخه د ۲ زره راستنو شوو نوملړ شریک شو.
په دغه غونډه کې د طالبانو د کډوالو ، صنعت او سوداګرۍ، اقتصاد او د کرنې، اوبولو لګولو او مالدارۍ وزارتونو استازو ګډون درلود.
د دغه وزارت په خبرپاڼه کې راغلي چې د راستنو شویو د نوملړونو د استولو لړۍ به په راتلونکي کې هم دوام مومي.
دا نوملړ داسې مهال شریکېږي، چې تر دې وړاندې هم په افغانستان کې ځوانان د بیکارۍ له زیاتېدو ستړي او بې شمېره ځوانان په ځانګړي ډول باسواده ځوانان د کار په لټون پسې ستړي شوي، خو دنده یې نه ده موندلې.
اوس تازه د طالبانو د تنقیص سره هره ورځ سلګونه ځوانان له دندو ایستل کېږي، چې د معلوماتو له مخې ډېری یې د پرځېدلي جمهوریت د وخت کارکوونکي دي.
اقتصاد پوهان د بېکارۍ اوج ته په کتو دا چاره د هېواد لپاره په راتلونکي کې لوی زیان بولي او هیله مندي ښیي چې طالبان باید په کور دننه کاري فرصتونه زیات او ځوانان په کار بوخت کړي