تاند『دوشنبه د چنګاښ ـ سرطان ۱۶مه』د طالبانو کورنیو چارو وزارت وایي، د دوی د رهبرۍ د پرېکړې او کورنیو چارو وزیر سراج الدین حقاني د منظورۍ پر اساس ټول طالب نظامي مسوولین او منسوبین مکلف دي، چې د دندې د اجرا پر مهال له نظامي یونیفورم ګټه واخلي.
د طالبانو د یاد وزارت ویاند عبدالمتین قانع وایي، د امنیت ټینګښت، قانون تطبیق او له جرمونو سره مبارزه به، له یونیفورم سره تر استفادې وروسته اسانه شي.
دوی زیاتوي یونیفورم سره د طالب نظامیانو پېژندګلوي کې به ولس لپاره هم اسانتیاوې رامنځته شي.
د طالبانو کورنیو چارو وزارت داسې مهال د یونیفورم په اغوستلو ټینګار کړی، چې اوسمهال د هېواد په ولایتونو کې د نظامیانو او غیر نظامیانو پېژندنه سخته او آن کله نا کله د دوی له اوسني ظاهري حالته په استفادې وسله وال غله فعالیت کوي او خلک لوټي.
عام خلک هم د دې پرېکړې جبري عملي کېده غواړي.
دا هغه وجیبه ده چی باید له شروع سره سم شوی وی، بله دا چی ینیفورم باید خپله حقانی او د دفاع وزیر هم واچی ـ په بین امللی محافلو کی څومره دوی بد ښکاری له څپلویو، کګې و ګې لُنګی او څادر سره ـ