تاند「چهارشنبه د غبرګولي ـ جوزا ۲۱مه」د اتریش په ګراز ښار کې د ښوونځي پر زده کوونکو ډزو کې ۱۰ تنه وژل شوي او وروسته بریدګر خپل ځان هم وژلی دی.
پولیس وايي بریدګر ۲۱ کلن پخوانی زده کوونکی دی.
تر اوسه د برید د انګېزې په اړه څرګند معلومات نه دي خپاره کړي.
د اتریش لومړي وزیر، کریستیان ستوکر دغه پېښه د هېواد په تاریخ کې «توره ورځ» بللې او له برید وروسته یې ګراز ښار ته په خپل سفر کې درې ورځنی ملي ماتم هم اعلان کړ.
برید د آلمان لومړي وزیر سربېره یو شمېر نورو بهرنیو مشرانو او چارواکو له لوري غندل شوی
او له قربانیانو سره خواخوږي ښودل شوې ده.
د یادونې ده چې په ۲۰۲۰ کال کې هم یوه بریدګر د اتریش ویانا ښار په مرکز کې ۴ تنه ووژل او ۲۲ نور یې ټپیان کړل.