تاند【پنجشنبه د ثور ـ غویي ۱۸مه】پاکستاني رسنۍ وایي،د پنجاب په لاهور ښار کې یوه ډروون الوتکه یې غورځولې ده.
پاکستاني چارواکو ادعا کړې، چې یاد ډرون د هند ده او د مهمو ځایونو د څار لپاره کارول کېده.
پر پاکستان د هند له برید شاخوا ۲۴ ساعته وروسته دا ډرون داسې مهال راغورځول کېږي، چې پاکستان په یو شمېر ښارونو کې خلکو ته د خوندیتوب خبرداری ورکړی دي.
د هند چارواکو تر اوسه د پاکستان له خوا د را غورځول شوې بې پیلوټه الوتکې په اړه څه نه دي ویلي.
هند تېره ورځ تایید کړې وه چې په پاکستان کې یې د ترهګرو پر ۹ ځایونو د برید پر مهال ۳ جنګي الوتکې غورځول شوې دي.
پر پاکستان د هند په برید کې پاکستان هم ومنله چې د دوی لور ته یې ۲۶تنه وژلي او ۴۶ تنه نور ټپیان کړل.
د پاکستان او هند ترمنځ کړکیچ وروسته له هغه په زیاتېدو دی کله چې د کشمیر په پهلګام سیمه کې پر هندي سیلانیانو وسله وال برید وشو او ۲۶ هندي سیلانیان یې ووژل.