تاند – د امریکا سترې محکمې د ټرمپ ادارې ته امر کړی چې د ۲۰۲۵ کال د مې له ۱۲مې نېټې څخه د افغان کډوالو پر دوسیو د کار پروسه بیا پیل کړي.
په دې پرېکړه کې د امریکا د کډوالو د منلو پروګرام (USRAP)، د بیا مېشتېدو طرحې، او د سفر د تأیید پروګرامونه هم شامل دي.
شان وین ډیور، چې د “افغان ایواک” مشر دی، دا پرېکړه د امریکا د افغان متحدانو لپاره یوه ستره بریا بللې. هغه ټینګار کړی که د ټرمپ اداره دا پرېکړه عملي کړي، نو دا به یو مهم پرمختګ وي.
د سترې محکمې حکم په ځانګړي ډول د کډوالو د منلو د بندیز د لغوه کېدو غوښتنه کړې، او دا پرېکړه به د مې له ۱۲مې نافذه شي.
د محکمې قاضي ټینګار کړی چې اداره باید ژر تر ژره د کډوالو پر دوسیو د کار پروسه پیل کړي.