تاند (سې شنبه، د وري/ حمل ۲۵ مه) د امریکا ولسمشر ډونالډ ټرمپ یو ځل بیا له افغانستان څخه د امریکايي ځواکونو وتل د خپل هېواد د تاریخ «یوه شرموونکی شېبه» بللې ده.
ټرمپ د السلوادور له ولسمشر سره په کتنه کې وویل، که په ۲۰۲۱ کې له افغانستانه د امریکايي پوځیانو د وتلو په مهال ولسمشر وای، دا پېښه به نه وه شوې، او امریکايي ځواکونه به «په درناوي او عزت» له افغانستانه وتلي وای.
امریکايي پوځیان د ۲۰۲۱ د اګست په پای کې د دوحې د موافقې په نتیجه کې ووتل چې د ښاغلي ټرمپ په اصرار د افغانستان لپاره د امریکا د سولې ځانګړي استازي زلمي خلیلزاد او ملابرادر ترمنځ لاسلیک شوې وه.
ټرمپ په ځلونو د امریکايي پوړځیانو د وتلو پر څرنګوالي نیوکې کړي او د وروستۍ یوې اوونۍ په ترڅ کې دا دوهم ځل دی چې نوموړی د افغانستان په اړه څرګندونې کوي.
د روان هجري لمریز کال د حمل په ۱۹مه، ټرمپ د امریکا په کانګرس کې د جمهوريپالو د ملي کمېټې په غونډه کې د بګرام هوايي اډه د نړۍ له لویو او د امریکا لپاره له خورا مهمو اډو څخه وبلله.
تر دې پخوا یې ویلي و چې بګرام د چین د اتومي وسلو د تولید له مرکزه یوازې یو ساعت لیرې دی نو دا اډه د امریکا لپاره خورا زیات اهمیت لري.
ده تر دوهم ځل ولسمشر کېدو مخکې ویلي و چې که بیا واکته ورسید بګرام به بیرته ونیسي.
ټرمپ د السوادور له ولسمشر سره په کتنه کې له افغانستانه د امریکايي پوځیانو وتلو ته په اشاره وویل:
«که زه ولسمشر وای هغه شرموونکې لحظه به، چې په افغانستان پورې اړه لري، زموږ د هېواد په تاریخ کې نه وای شوې. نه له دې کیله چې له افغانستانه ووتو، په دې به خوشاله وم، پوهیږئ ما ټول شرایط داسې برابر کړي و چې خلک مو په عزت او افتخار وباسو. دا د هېواد په تاریخ کې تر ټولو بده او شرموونکې شېبه وه.»
پخوانۍ ولسمشر نده اوسنۍ ولسمشر ده
بل ځای مو لیکلي؟
ټرمپ په ځلونو د امریکايي پوړځیانو د وتلو پر څرنګوالي نیوکې کړي
(پوړځیانو) اصلاح کړی