تاند【پنجشنبه د حمل ـ وري ۲۱مه】د امریکا د استازو جرګې د بهرنيو اړیکو کمېټې افغانستان ته د مرستو رسېدو د مخنیوي” لایحه تصویب کړه او د عمومي جرګې تصویب ته یې استولې ده.
یادې کمېټې په یوه خبرپاڼه کې ویلي، دغه لایحه د طالبانو حکومت ته د امریکایي مالیه ورکوونکو د هر ډالر د نه رسېدو تضمین کوي.
د یادې کمېټې مشر برېن مسټ ویلي، دغه لایحه د امریکا د بهرنیو چارو وزارت مکلفوي چې د یوې سټراټیژۍ په جوړولو سره هېوادونه او نا دولتي سازمانونه د طالبانو له حکومت سره له مرستو منعه کړي.
نوموړي زیاته کړې چې دا لایحه د هغو بهرنیو مرستو کارونه هم رانغاړي چې د امریکا له لوري تمویل شوې وي، څو پر هېوادونو او سازمانونو فشار واچوي چې د افغانستان له اوسنيو چارواکو سره مرستې ونکړي.
دا طرحه داسې مهال تصویبېي، چې د طالبانو د حکومت د بهرنیو چارو وزارت مالي او اداري مرستیال محمد نعیم وایي، د افغانستان سیاسي وضعیت پورې د بشري مرستو مشروطول د “تعجب خبره” ده.
نوموړي پر خپله اېکس پاڼه لیکلي، چې افغانستان د ټولو نړیوالو قوانینو له مخې د شل کلن اشغال او د امریکا او نړیوالې ټولنې له لوري د تپل شویو جګړو د زیانونو غرامت ترلاسه کولو حق لري.
هغه زیاتوي؛ دا چې ځینې هېوادونه بشري مرستې هم د سیاسي شرایطو پورې تړي او پر دوام یې بیا بیا غور کوي د تعجب وړ خبره ده.
پښتو متلونه. که بدی نکړای بدي چاری، بدۍ به چا وهو په لاري؟!او ما درته وی دا چاری مکړه …آزار ګټلیه اوس وهه د چول مزلونه.
کفري ملکونو څخه ولي د بشري مرستو تمه ولرو؟ خپله تدبیر او تدبر یې څه شو…
له یوې خوا وایی ، چې افغان کلتور باید وساتل شي ، یعنې لونګی ، کمیس او پرتوګ لکه هند ، پنجاب بېرته رواج شی او د عربي او نورو اسلامي هېوادونو په شان چې هلته دریشي یا کمیس او پتلون رواج ده ، نه مخنیوی وکړي
له بلې خو بیا جعلي نومونه لکه ابو فلان او ابو بستان چې ټول جعلي دي ، رواجوي . دوی به لا مجردان وي او راتلونکې مېرمن به یې لا زېږېدلي نه وي ، خو په ځان به ابوالقدوس یعني راتلونکې کې د قدوس پلار به په ځان نوم ږدي .