تاند (شنبه، د وري/ حمل ۹ مه) د طالبانو د استخباراتو «۳۷۶» ریاست (د جاسوسۍ ضد اداره) په یوه رسمي لیک کې، چې په ټولنیزو رسنیو کې لاس په لاس کېږي، اړوندو ادارو ته ویلي چې د پاکستان استخباراتي اداره (آیایسآی) د طالبانو تر مدیریت لاندې دولتي ادارو کې پراخ نفوذ لري.
په دې لیک کې، چې نېټه یې د تېره جمعه، د حمل لومړۍ ښودل شوې، راغلي چې د آیایسآی نفوذي کسان تر اوسه د پرمختللو چریکي وسلو د کمښت له امله د هدفي وژنو په ترسره کولو کې پاتې راغلي دي.
د لیک په یوه برخه کې ټینګار شوی چې د پاکستان استخباراتي اداره اوس د خپلو نفوذي کسانو له لارې هڅه کوي چې لازمې وسلې له بېلابېلو لارو په قاچاقي ډول افغانستان ته داخلې کړي.
د طالبانو د استخباراتو «۳۷۶» ریاست په دې لیک کې اړوندو ادارو ته سپارښتنه کړې چې د دې “امنیتي خلا” د مخنیوي لپاره جدي اقدامات وکړي.
دا لیک د طالبانو د استخباراتو د «۳۷۶» ریاست د ريیس د داکتر بشیر، په لاسلیک صادر شوی دی.
طالبانو تر اوسه د دې لیک په اړه رسمي څرګندونې نه دي کړې.
خو تر دې وړاندې په کابل او کندهار کې یو لړ ترورونه شوي چې د پاکستان کار بلل شوی و.
جاسوسان اود ISI گومارل شوی کسان وسلی ته ضرورت نه لری، دا چی دوی اسرار کشفوی او جهل او خرافات ترویجوی دا یی تر ټولو تباکوونکی وسله ده . د ISI جاسوسانو دجمهوریت دسقوط په ورځ د ارګ ټول معلومات، د مالیی وزارت او بانکونو کمپیوتری سیستم، د اوبو د اداری اسناد او پلانونه او د نظامی چارو اسرار په یوه ورځ کی انتقال کړل. اوس دفتر په دفتر او کور په کور معلومات لری، وطن بی څښتنه دی نظام او قانون نشتته د ای اس ای اداری همدا غوښتل. دا دیورند باندی کله کله ساختګی جنګونه چی یو دوه افغانان پکی مړه شی، هسی لوبه ده، پاکستانی طالب هسی لوبه ده د حقانی او هیبت الله اختلاف هسی لوبه ده د ملا شیرعباس وتل هسی لوبه ده دا مکتوب هم هسی د افغانانو د ذهن حلاجی ، افغانانو ته توهین او د دوی روحی ځورول دي. ای اس ای په افغانستان مسلط دی د وطن آزادی له دی هیولا د هر افغان فریضه ده.
90 فیصده ملایان ټول د آی اس آی جاسوسان دی دوی اوس پوهه شول. کورونه یی همدا اوس په سلام آباد کی دی. بله دا چی د مهاجرینو په راتګ سره به په زرګونو د آی اس آی او د داعش کسان افغانستان ته را داخل شی. طالبان چی د یوی تعلیمی او تحصیلی طرحی د جوړولو ظرفیت ور سره نشته نو د آی اس آی د جاسوسانو چی په مجهزو پیشرفته تکنالوژی سمبال دی د هغوی مخه به څنګه ونسی؟ پارسی کی یو متل وایی: بقه را مانده یخ مالک. ملا د عصر حکومتداری