تاند – د بلوچستان د ازادۍ پوځ د چهارشنبې په ورځ اعلان وکړ چې د پاکستاني پوځ د بریدونو په غبرګون کې یې په تېرو یو ساعتونو کې ۵۰ یرغمل وژلي دي.
دغه پوځ د سې شنبې په ورځ د بلوچستان په ډهاډر کې د څه باندې ۲۰۰ پوځیانو او امنیتي ځواکونو له برمته کولو وروسته ویلي و چې که د پاکستان پوځ د یرغملو د خلاصون هڅه وکړه، یرغم به ووژني.
د پاکستان پوځ د سې شنبې په ورځ وویل چې د برمته وو د خلاصون لپاره به عملیات وکړي.
د بلوچستان د ازادۍ پوځ ویلي، «پاکستان زموږ پخواني اخطارونه او زموږ له بندیانو سره د یرغملو د تبادلې وړاندیز له پامه غورځولی دی.»
بلوڅ بیلتونپالې ډلې ادعا کړې چې پاکستان د چهارشنبې په ورځ د درنې توپخانې او پرمختللو وسلو په کارولو سره هڅه وکړه چې یرغمل شوي کسان خوشي کړي، چې سخته نښته ونښته. خو د دې ډلې جنګیالیو برید شنډ کړ او پاکستاني ځواکونه یې اړ ایستل چې په شا وتمبېږي.
د بلوچ بېلتون غوښتونکو او پاکستاني پوځ ادعاوې په مستقل ډول تایید یا رد کېدای نه شي.
د بلوچستان د ازادۍ پوځ همداراز ویلي چې په دې جګړه کې د دوی درې جنګیالي وژل شوي دي.
د بلوچستان د ازادۍ پوځ دا هم ویلي چې د پاکستان د وروستي پوځي اقدام په ځواب کې، چې مخکیني خبرداري او د بندیانو د تبادلې وړاندیز ته یې پام نه دی کړی، دوی د یو شمېر یرغملو د وژلو په اړه خپله قاطع او وروستۍ پرېکړه عملي کړه.
د بلوچستان د ازادۍ پوځ ویاند، جیاند بلوچ، له دې وړاندې پاکستان ته ۲۴ ساعته ضربالاجل ورکړی و چې د دوی له بندیانو سره د یرغملو د تبادلې پرېکړه وکړي.
تر اوسه د پاکستان چارواکو د بلوچستان د ازادۍ پوځ دې اولتیماتوم ته رسمي ځواب نه دی ویلی.
دغه ډله خبرداری ورکوي چې که د ټاکل شوې مودې له پای ته رسېدو وروسته پاکستان د مذاکراتو ځنډولو ته دوام ورکړي، نو هر ساعت به پنځه نور یرغمل ووژني.
په ورته وخت کې، د پاکستاني رسنیو راپورونه ښيي چې د دغه هېواد امنیتي ځواکونو لږ تر لږه ۱۹۰ کسان، چې د جعفر اکسپریس یلګاډي مسافر وو، ژغورلي او د ژغورنې د عملیاتو په دوهمه ورځ ۳۰ وسلوال بریدګر وژل شوي دي.
خو ځیني پاکستاني رسنۍ، چې له دې هیواده دباندې فعالیت کوي، وايي چې هغه کسان چې د پاکستان پوځ ادعا کوي، دوی خوشي کړي، په حقیقت کې هغه ملکیان دي چې بلوچ بېلتون غوښتونکو په خپله خوښه پرې ایښي دي.
د بلوچستان د ازادۍ پوځ ویلي و چې ۲۱۴ یرغمل کسان یې نیولي، او که غوښتنې یې ونه منل شي، هغوی به ووژني.
په همدې حال کې ځینو پاکستاني چارواکو ادعا کړې چې پر جعفرایکسپریس ریلګاډي د بلوچ بېلتون غوښتونکو برید کوونکو په افغانستان کې له خپلو قوماندانانو سره تماس درلود او د دې برید پلان په افغانستان کې جوړ شوی و.
BALOOCH FREEDOM FAUJ ZENDAH BAAD
DE NAR BACHYANO NAMEE YAAST. T T P IS WEAK.
TTP MUST PUSH MORE ON PUNJABI FAUJ,
THANKS