تاند【یکشنبه د کب ـ حوت ۱۹مه】د ملګرو ملتونو امنیت شورا سبا د افغانستان پر وضعیت د خبرو لپاره سبا ناسته کوي.
ټاکل شوې په دغه ناسته کې د یوناما مشره د افغانستان پر بشري وضعیت، د افغان ښځو او نجونو پر وضعیت او د افغانستان او پاکستان ترمنځ پر وروستیو نښتو وینا وکړي.
په دغه راټولېدنه کې به د یوناما د ماموریت غځېدو په اړه هم چې د روانې زیږیزې میاشتې په ۱۷مه پاې ته رسیږي، خبرې وشي.
په همدې غونډه کې د ګډون لپاره روزا اوتونبایوا نیویارک ته سفر کړی او په ملګرو ملتونو کې یې د قطر له دایمي استازې سره هم د افغانستان په تړاو خبرې کړې دي.
دغه ناسته داسې مهال جوړېږي چې پرون شنبه د کب ـ حوت ۱۸مه افغانستان کې د ملګرو ملتونو د ښځو څانګې ویلي وو چې، پر افغان ښځو پانګونه د افغانستان پر راتلونکي پانګونه ده.
دغه سازمان اتم د مارچ د ښځو نړیوالې ورځې په مناسبت یوه پېغام کې زیاته کړې وه چې، افغان ښځې د ګڼو ننګونو سره سره د خپلو حقونو لپاره مبارزه کوي.
په پېغام کې د ملګرو ملتونو د ښځو څانګې ویلي ” موږ باید خپله خواخوږي په عمل بدله کړو.”