تاند【جمعه د کب ـ حوت ۱۷مه】د افغانستان د فوتسال ملي لوبډلې په برازیل کې د څلور اړخیزه ټورنمنټ په لومړۍ لوبه کې گرینلند ته ماتې ورکړه.
افغان لوبغاړي نن د جمعې په سهار میدان ته ووتل او د گرینلند پر وړاندې یې لوبه وکړه.
افغان لوبډلې د ګرینلنډ پر وړاندې ۵ پر ۴ بریا خپله کړه او سیالي یې وګټله.
په دې لوبه کې د افغانستان لپاره امید قنبري، خداداد ابراهیمي، فرزاد محمودي او بهمن گرگیچ گولونه ووهل.
د افغانستان د فوتسال ملي لوبډله به په دوهمه لوبه کې د برازیل پر وړاندې میدان ته ووځي.
د برازیل څلور اړخیز ټورنمنټ د افغانستان، ایران، گرینلند او کوربه برازیل ترمنځ پیل شوی دی.