تاند【پنجشنبه د کب ـ حوت ۱۶مه】د طالبانو د حکومت د ټولګټو وزارت وايي، د روژې په شپږمه د یاد وزارت وزیر ملا محمد عیسی ثاني کابل کې د ازبکستان له سفیر ایبک عثمانوف سره ولیدل.
یاد وزارت وايي، دواړو لورو د افغانستان او ازبیکستان ترمنځ د اوږدمهاله اقتصادي، تجارتي او ريلي اړیکو په اړه خبرې اترې وکړې.
سرچینه زیاتوي، چې لیدنه کې دواړو لورو د حیرتان – مزارشریف د اوسپنیزې کرښې د ترمیماتو، د دواړو هېوادونو ترمنځ د تجارتي توکو د لیږد رالیږد او د بلخ – هرات د اوسپنیزې کرښې دمطالعاتو په اړه بحثونه وشول.
سرچینه زیاتوي، د ناستې پای کې د افغانستان او ازبیکستان ترمنځ د اوسپنې پټلۍ د رغولو، ترميم او معياري کولو په برخه کې په هر اړخیزې همکارۍ ټینګار وشو.