تاند【دوشنبه د کب ـ حوت ۶مه】په زابل ولایت د طالبانو د اطلاعاتو کلتور رئیس مولوي رحمت الله حماد د پټي خزانې لیکوال محمد هوتک له مقبرې څخه د لیدنې پر مهال د دغې مقبرې د رغولو خبر ورکړ.
حماد د محمد هوتک مقبره د زابل له تاریخي ابدو وبلله او زیاته یې کړه چې، دغه ریاست په پام کې لري د محمد هوتک مقبرې ودانۍ او استنادي دېوال ورغوي.
سرچینې همداراز ویلي، د زابل د تاریخي ځایونو او ابدو بیارغونې او ساتنې ته یې ځانګړې پاملرنه ده.
د محمد هوتک مقبره د زابل سیوري ولسوالۍ ممو کلي کې موقعیت لري.
پټه خزانه د هوتکي پاچا شاه حسین هوتک د واکمنۍ په مهال نامتو لیکوال محمد هوتک هغه تذکره ده چې، له ۱۱۴۱ بیا تر ۱۱۴۲ قمري کال لیکل شوې ده.
په دغه کتاب کې د پښتو ژبې د ۵۰ شاعرانو او لیکوالانو ژوند لیکونه راټول شوي دي.
د پټې خزانې د محتوی د تائید او لا زیاتو معلوماتو لپاره د ښاغلي حبیب الله رفیع دا وینا له ټولو پښتنو افغانانو سره زیاته مرسته کوي او د پښتنو د ژوند او کلتور د لاپیاوړتیا سبب کیږي.
په دې کتاب کې د ٩٠٠ کالو مخکې د افغانانو تاريخي اسناد خوندى شوي٠
https://www.facebook.com/watch/?v=642475711473492&rdid=vmJfnhKkE69E8lra
افرین دا نیک او د خیر کار او رښتینو خلکو ته درناوی ده ❤️👍