تاند (پنحشنبه، د سلواغې/ دلوې ۲۵ مه) طالب چارواکو په پلازمېنه کابل کې د کور او ښار جوړولو په وزارت کې د یوه انتحاري بریدګر په چاودنه کې د دوو تنو وژل کېدا تایید کړه.
د کور او ښار جوړولو وزارت ویندوی محمد کمال افغان رسنیو ته وویل چې نن (پنجشنبه، فبروري ۱۵مه) تر غرمې مخکې یوه انتحاری غوښتل چې د وزارت انګړ ته ننوځي خو د امنیتي ساتونکو له لوري وپېژندل شو او هدف ته تر رسیدو مخکې ووژل شو.
دا وزارت وايي چې د انتحاري په چاودنه کې یو بل کس هم وژل شوی او ۳ نور ژوبل شوي دي.
له بلې خوا د کورنیو چارو وزارت ویاند وایي، کابل ښار کې د کور او ښارجوړونې وزارت کې چاودنه شوې ده.
دا برید وروسته له دې کېږي چې په کندور کې د کابل بانک مخې ته په انتحاري برید کې ۱۸ تنه ووژل شول او یو شمېر نور ټپیان شول.
تېر کال په کابل کې د کډوالو او بېرته راستنېدونکو په وزارت کې انتحاری برید د طالبانود کډوالو او بېرته راستنېدونکو وزیر خلیل الرحمان حقاني او څو تنه نور ووژل.
د دواړو بریدونو مسوولیت داعش په غاړه واخیست. د ننني برید مسوولیت لا کومې ډلې په غاړه نه دی اخیستی.