تاند 【چهارشنبه د مرغومي ـ جدي ۲۶مه】د طالبانو د حکومت د احصایې او معلوماتو ملي ادارې پر خپله اېکس پاڼه لیکلي، چې په تېرو دریو میاشتو کې په هېواد کې د ۶۶۹،۷ملیونه ډالرو په ارزښت صادرات درلودل.
یاده اداره وایي، چې دغه راز یې په یاده موده کې د ۳میلیارده او ۲۵۴،۴ میلیونه ډالرو په ارزښت واردات ترسره کړي دي.
سرچینه زیاتوي،چې په صادراتو کې د تېر کال د همدې مودې په پرتله ۳۴٫۹ میلیون ډالره زیاتوالی راغلی او واردات هم د ۱ میلیارد او ۷۵٫۰ میلیون ډالرو په ارزښت زیات شوي دي.
د طالبانو د احصایې او معلوماتو ملي اداره زیاتوي، چې په تېرو دریو میاشتو کې وچه او تازه مېوه د صادراتو په ډله کې د ۳۲۱٫۹ میلیون ډالرو په ارزښت تر نورو زیاته ونډه لري.
د سرچینې د معلوماتو له مخې دغه راز ورپسې د ۷۹٫۳ میلیون ډالرو په ارزښت سبزي، د ۶۷٫۳ میلیون ډالرو په ارزښت طبي بوټي او د ۳۵٫۲ میلیون ډالرو په ارزښت معدني توکي بهر ته صادر شوي دي.
ملایان او حافظان او قاریان ګوم هیواد پکار نه دي چې ورصادر شي؟ ضربه ضربا ، پایځې رابډوهلې، سترګې په رنجو تورې، مسواک به جیب کې، داسې مخلوق ته که مکه مدينه یا بخارای شریف کې د چا ضرورت وي، غږ دې وکړي، یوازې کندهار شریف کې اتلس زره ټنه زیرمه لرو.