تاند ( سه شنبه د مرغومي ـ جدي ۱۸مه) د انګلستان کرېکټ بورډ د افغانستان د کرکټ له ملي لوبډلې سره د لوبې د لغوه کولو غوښتنې رد کړې.
د سکای نیوز په راپور کې یاد کرېکټ بورډ ویلي، چې د یو اړخېزې پرېکړې پر ځای متحد اقدام غوره کوي.
سکای زیاته کړې، چې د انګلستان د پارلمان د غړو په ګډون تر ۱۶۰ زیاتو سیاستوالو په یوه لیک کې د اروپا له مرکزی بانک څخه غوښتي، چې په افغانستان کې د طالبانو د حکومت له لوري د ښځو له حقونو څخه د سرغړونې له امله له دغې لوبې څخه ملاتړ ودروی.
سرچینې ویلي، چې د دې کار موخه داده، څو ښکاره پیغام واستول شي، چې د ښځو له حقونو سرغړاوی د زغملو نه دی.
دا په داسې حال کې ده، چې د انګلستان او افغانستان د بشري حقونو يو شمېر سازمانونو تر دې وړاندې د انګلستان له حکومته د دغې لوبې د لغوه کولو غوښتنه کړې وه.
د افغانستان د کرېکټ ملي لوبډله د روان کال د فبرورۍ په ۲۶ مه نېټه له انګلستان سره یوه ۵۰ اوریزه سیالي لري.
افغانستان کې د ښځو د حقونو د سرغړاوي په پار تر دې وړاندې آسټرالیا کرېکټ بورډ له افغانستان سره لوبلړۍ لغوه کړې دي، چې په غبرګون کې افغان لوبغاړو د یاد هېواد په کورني لیګ کې د نه ګډون پرېکړه وکړه.