تاریخې پيښې ټولې د مخه د اټکل وړ نه وي. خو ځينې پیښې بیا د ښکاره شواهدو له امله اټکل کیدلای شي.
د بیلګې په توګه د افغانستان د اسلامي جمهوریت ړنګیدل د اټکل وړ و. ځکه په پراخه کچه د فساد شتون، بې اتفاقي، جنګسالاران، د لږکیو ډیر واک، د بې تجربه او ځوانو کدرونو ځای پر ځای کول، د مجربو او د ټینګ هود کسان له دندو شړل، اوږده جګړه، د بهرنیانو استعماري شتون، د بن په کنفرانس کې طالبانو او اسلامي ګوند ته ځای نه ورکول، د هرې ږيرې او لونګۍ والا د طالب په نامه بګرام یا ګونتانامو ته لیږل، په دوو ډلو د واک ویشل، د نه منم فرهنګ، غصب، رشوت، ظلم، د طالبانو ټینګ مقاومت، د بهرنیانو په سر کې د امریکایانو توطیې او نورې داسې کړنې چې د اسلامي جمهوریت له منخه وړل يې یقیني کول له ورایه ښکاریدل. نو ځکه د لړزانده ونې په څیر د یوه باد په لګیدلو سره له منځه لاړ.
ځينې پيښې بیا ناڅاپې او یا د اټکل څخه مخکې را منځ ته کیږي. لکه د ١٣٥٧ لمريز کال د ثور قیام او یا هم په سوريه کې د اسد د کورنۍ ٥٤ کلنه واکمنې.
که وګورو د پاکستان ړنګیدل په هغه کتګوریو کې راځي چې ړنګیدل يې د اټکل وړ او له ورایه ښکاریږي.
پاکستان اوس د ګړنګ پر غاړه ولاړ هیواد دی، چې یو کمزوری او نري باد يې د ګړنګونو خوراک ګرځولی شي.
د باکستان د سیاسیونو تر منځ بې اتفاقي او د عمران خان په زندان کې ساتل، د نړیوالې ټولنې څخه ١٢٩ میلیارده دالر قرضداري او د کال ٢٩ میلیارده سود پریکول، په نړیواله کچه بر پاکستان بې باوري، د بلوچو د ازادۍ غوښتونکو لخوا جګړې، د منظور پشتین لخوا د پښتنو د حق غوښتلو غورځنګ، د پاکستان د طالبانو غورځنګ لخوا منظم بریدونه، د پاکستان د پوځ او پوليسو په ډیر شمیر تلفات، د هندوستان سره د دښمنۍ اړیکې، مالي او ټولنيز بحرانونه او له ټولو بدتر د افغانستان د اسلامي امارت سره د جګړه ییز ټکر تر سرحد پورې سړې اړیکې دا او دې ته په لسګونو نورو ښکاره بیلګو باکستان د ګړنګ پر غاړه درولي دي.
باکستان د زیږیدو له ورځې څخه تر دا ننه پورې د اسلام د ټيکه دارۍ دعوا ګیر دی. تل يې به افغانستان کې حکومتونه د اسلام په نامه ننګولی دی. خو له نیکه مرغه په افغانستان کې د اسلامي امارت په راتګ سره یې دغه منحوسه او د فریب څخه ډکه څیره رسوا او نور نه شي کولای چې د اسلام په نامه زموږ متدیین خلک وغولوي. د ښکاره شواهدو له مخې که خدای ج کول پاکستان د ورانيدو پر خوا روان دي.
انشالله
ښه زېری او پر حقایقو ولاړه لیکنه .