تاند ( چهارشنبه د مرغومي ـ جدي ۱۲مه) د خبریالانو نړیوال فدراسیون (IFJ) وایي، چې ۲۰۲۴ میلادي کال د خبریالانو او رسنیو کارکوونکو لپاره یو له تر ټولو مرګونی کال وو.
یاد بنسټ وایي، په ۲۰۲۴ میلادي کال کې ۱۲۲ خبریالان او رسنیز کارکوونکي وژل شوي دي.
د خبریالانو د نړیوال فدراسیون زیاتوي، چې له یادې ډلې ۱۴ یې ښځې دي.
د سرچینې د راپور له مخې په ۲۰۲۴ کال کې ۲۲ خبریالان په اسیايي هېوادونو کې وژل شوي او ۵۸ سلنه د خبریالانو وژنې په منځني ختیځ، په ځانګړي ډول په فلسطین، لبنان او سوریه کې شوې دي.
د خبریالانو ملاتړ ادارې هم د جګړې له ښکېلو لوریو غوښتنه کوي، چې د خبریالانو او رسنیو کارکوونکو ژوند خوندیتوب ته پام وکړي او زیان ور ونه رسوي.
دوی وایي خبریالان بې پرې دي او پرېږدئ چې د ولس پر ستونزو د حل په موخه راپورونه وکړي.