تاند ( سه شنبه د مرغومي ـ جدي ۴مه) افغانستان لپاره د پاکستان ځانګړي استازي صادق د طالبانو د حکومت د کورنیو چارو سرپرست وزیر سراج الدین حقاني سره د کابل او اسلام اباد ترمنځ د اړیکو د لا ښه والي او شته ستونزو پر حل خبرې کړې دي.
په دې کتنه کې صادق خان ژمنه کړې، چې د افغانستان او پاکستان ترمنځ شته ستونزې به په ګډو هڅو حل او د دواړو هېوادونو ترمنځ اقتصادي او ولسي اړیکې لا پیاوړې کړي.
په دې لیدنه کې سراج الدین حقاني د امنیتي او سیاسي ستونزو د حل لپاره پر ګډو هڅو ټینګار کړی دی.
د یادونې ده چې افغانستان لپاره د پاکستان ځانګړی استازی صادق خان پرون یکشنبه کابل ته راغلی دی.
د پاکستان دا استازی داسې مهال کابل ته راځي، چې وروستیو کې د دواړو هېوادونو ترمنځ اړیکې کړکیچنې ښکاري او وخت نا وخت پاکستاني چارواکي په افغان لوري بې بنسټه تورونه پوري کوي.