تاند ( دوشنبه د لیندۍ/ قوس ۵مه) د کرېکټ نړیوالې شورا د مهالوېش له مخې سبا سېشنبه د یو ورځنیو سیالیو چمپینز ټرافي کابل ته راوړل کیږي.
دغه ټرافي به تر ۳ ورځو په افغانستان کې وي او د هېواد بېلابېلو تاریخي سیمو کې به نندارې ته وړاندې شي.
دوهم خبر:
له ۱۹ کلنو کم عمره کرېکټ ملي لوبډله د درې اړخیزې لوبلړۍ په پایلوبه کې سبا سېشنبه د پاکستان پر وړاندې د لوبې ډګر ته ښکته کیږي.
دغه ستره سیالۍ سبا سهار ۱۰:۰۰ بجې د اماراتو په آیسيسي کرېکټ لوبغالي کې پیلیږي.
درېیم خبر:
د انګلستان فوټبال غوره لیګ سیالیو په ۱۱مه اونۍ کې تېره شپه ( یکشنبه، د لېندۍ ۴مه) لېورپول او ساوتېمپټن لوبډلې ډګر ته ښکته شوې، چې لېورپول پکې د محمد صلاح دوو ګلونو پر مټ سیالې لوبډلې ته ۳ ـ ۲ ماتې ورکړه.
له دې بریا وروسته لېورپول په ۲۸ نومرو د جدول سر کې نور هم پیاوړی شو.
مانچیسټر سیټي په ۲۳ نومرو په دویم مقام کې ځای لري.
څلورو خبر:
شل اوریز نړیوال جام ته د افریقايي هېوادونو غوراوي سیالیو کې نجیریا لوبډلې د عاج ساحل لوبډله په ۷ منډو له ډګره بهر کړه.
نجیریا په ټاکلیو ۲۰ اورونو کې د ۴ لوبغاړو په سوزېدو سیالې لوبډلې ته ۲۷۲ منډې هدف ټاکلی و، چې پر وړاندې یې د عاج ساحل لوبډلې په ۷.۳ اورونو کې د ټولو لوبغاړو په سوزېدو یوازې او یوازې ۷ منډې جوړې کړې او د نړۍ په کچه یې د کمو منډو ریکارډ په خپل نوم ثبت کړ.
له دې وړاندې سنګاپور د منګولیا لوبډله په ۱۰ منډو سوزولې وه.
پینځم خبر:
ننګرهار کې د باسکټبال فدراسیون استازولۍ له لوري د دې ولایت منتخبې لوبډلې ټاکنې په موخه د ۶ لوبډلو ترمنځ باسکېټبال سیالۍ پیل شوې وې، چې پایله کې د سمندر لوبډلې په اتلولۍ پای ته ورسېدې.
د دې سیالیو پایلوبه کې سمندر او شمس لوبډلې مخامخ شوې، چې سمندر پکې سیالې لوبډلې ته ۱۱ ـ ۹ نومرو په توپیر ماته ورکړه او اتلولي یې خپله کړه.
شپږم خبر:
د هند غوره لیګ لپاره د بولۍ د مراسمو نن دوهمه ورځ هم پیل شوه.
تېره ورځ يوازې ۱۲ سېټونه بولۍ ته وړاندې شول، او پۀ پاتې ۶۷ سیټونو به نن بولۍ وشي، بولۍ به د افغانستان پۀ وخت ۲:۳۰ بجې پيل شي.
له ۱۳م تر ۱۷م سېټ به بولۍ د پرون پۀ څېر عادي وي خو له هغه وروسته به چټکه بولۍ پيل شي چې پکې به ځيني سیټونه بولۍ ته وړاندې نۀ شي.
د افغان لوبغاړو سیټونه:
محمد غضنفر: ۱۷
مجيب الرحمن: ۱۷
عظمت عمرزی: ۲۴
نوين الحق: ۲۶
ظاهر خان: ۲۷
صديق اتل: ۳۳
محمد نبي او ګلبدين نايب: ۳۴
فضلالحق فاروقي: ۳۶
ابراهيم ځدراڼ او نجيب ځدراڼ: ۴۲
قيس احمد: ۵۰
کريم جنت: ۵۶
فريدون داوودزی: ۶۵
ننګيال خروټی: ۶۷
په لومړۍ ورځ یواځې درې افغان لوبغاړي بولۍ ته وړاندې شوي، چې لکڼوال په لس کروړه چینای، رحمن الله ګربز په دوه کروړه کلکتې لوبډلې واخیستل او وقارسلامخیل بیا چا وانخیست.