تاند ( دوشنبه د عقرب ۲۱) د بنګله دېش او افغانستان کرکټ ملي لوبډلو تر منځ د درېیو یو ورځینو سیالیو لوبلړۍ درېیمه او وروستۍ لوبه افغانستان وګټله.
افغانستان په دې سره د دې لوبلړۍ سریز په خپل نوم کړ.
په درېیمه او وروستۍ لوبه کې بنګله دېشۍ لوبډلې د ۸ لوبغاړو په زیان سره افغان لوبډلې ته د ۲۴۵ منډو هدف وټاکه.
افغان لوبډلې لپاره عظمت الله عمرزي د مقابلې لوبډلې ۴ او محمدنبي، راشدخان یو یو لوبغاړي وسوزول. بنګله دېش لپاره بیا محمدالله ۹۸ او مهدي حسن ۶۶ منډې وکړې.
افغان لوبډلې قوي پیل وکړ او د ۵ لوبغاړو په زیان یې د رحمن الله ګربز په سلیزې او د عظمت عمرزي په ۷۰ ناسوزېدلو منډو لوبه او لوبلړۍ وګټله.
د دوی ترڅنګ محمدنبي عیسی خیل هم ۳۴ ناسوزېدلې منډې وکړې.
افغانستان د دې لړۍ لومړۍ لوبه هم ګټلې وه خو دوهمه لوبه بیا بنګله دیش وګټله.
افغان لوبډله تر دې لوبلړۍ وروسته له زمبابوې سره لوبې لري.