تاند ( شنبه د عقرب ۱۹مه) د افغانستان او بنګله دېش ترمنځ د یو ورځنیو لوبو د لړۍ دوهمه لوبه نن شنبه ترسره کېږي.
دا لوبه د متحد عربي اماراتو په شارجه کرکټ لوبغالي کې ترسره کېږي.
افغانستان په لومړۍ یو ورځنۍ لوبه کې د تېرې چهارشنبې په ورځ بنګله دېش ته د ۹۲ منډو په توپیر ماته ورکړه.
که افغان لوبډله په نننۍ لوبه کې هم د بنګلهدېش لوبډله ماته کړي، نو د دې لړۍ اتلولي به وګټي.
بل لورته بیا که بنګلهدېش دا لوبه وګټي نو د لړۍ ګټونکې لوبډله به په درېیمه ورځ کې د راتلونکي دوشنبې په ورځ معلوم شي.
د افغانستان او بنګلهدېش د ملي لوبډلو ترمنځ نننۍ لوبه د کابل په وخت د ماسپښین په ۲ نیمو بجو پيلیږي.