تاند (چهارشنبه د عقرب ۱۶مه) د اسرائیلو دفاع وزیر پرون د سې شنبې په ورځ په غزه کې له پرلهپسې ناکامیو وروسته له خپلې دندې ګوښه شو.
د اسرائیلو د لومړي وزیر دفتر د سې شنبې په ماښام اعلان وکړ، چې بنیامین نتنیاهو د دې هېواد د دفاع وزیر یواو ګالانټ له دندې ګوښه کړ.
خبرپاڼې زیاته کړې، چې د دې هېواد د جګړو د مدیریت پر سر د نتنیاهو او ګالانټ ترمنځ ډېر اختلافونه رامنځته شوي وو.
نتنیاهو د دفاع وزیر یواف ګالانټ پر ځای یسرائیل کاټز د نوي دفاع وزیر په توګه ټاکلی دی.
یواو ګالانټ د اسرائیلو له دفاع وزارت څخه له ګوښه کېدو وروسته پر خپله اېکس پاڼه لیکلي، چې د اسرائیلو د امنیت ټینګښت یې د ژوند ماموریت وو او وي به.
د راپورونو له مخې؛ د نتنیاهو د حکومت یو شمېر مخالفان د دې پرېکړې پر ضد د اعتراض لپاره د دغه ښار سړکونو ته راوتلي او په بیتالمقدس کې د لومړي وزیر د استوګنې لار د پولیسو له خوا تړل شوې ده.