تاند ( دوشنبه د عقرب ۷مه) د اروزګان په ګیزاب ولسوالۍ کي د ترافیکې پېښې له کبله ۸ تنه مړه شول.
د یاد ولایت د طالبانو د ترانسپورټ آمریت مسوولین وایي دا پېښه د ګیزاب ولسوالۍ پر لویه لار شوې ده او موټر سیند ته غورځیدلی.
سرچینه زیاتوي، چې په دې پېښه کې یو تن ژوبل دی.
د یادې سیمې اوسېدونکي وایي د لاري د خرابوالي له کبله وخت ناوخته ورته پېښې رامنځته کیږي.
دوی وایي که دا لار جوړه نشي؛ د ژمي له رارسیدو سره به د خلکو د تګ راتګ ستونزي نوري هم زیاتي شي.
افغانستان یو له هغو هېوادونو شمیرل کېږي چې په لویو لارو کې د لارې د خرابوالي له امله د ترافیکي پېښو شمیر ډېر لوړ او مرګ ژوبله زیاته ده.