تاند (پنجشنبه، د عقرب ۳ مه) د افغانستان لپاره د ملګروملتو ځانګړې استازې روزوا اتونبایوا وايي، په افغانستان کې د ښځو او نجونو په ګډون ډیری افغانان له اساسي حقونو بې برخې دي.
دې نن (پنجشنبه) په کابل کې د ملګروملتو د تاسیس د نهه اویایمي کالیزې په مناسبت غونډې ته وویل، افغانستان د دې سازمان له لومړنیو غړیو څخه دی چې په ۱۹۴۶ م کال کې یې د دې سارمان غړیتوب ترلاسه کړ.
دې په عین حال کې وویل چې ملګروملتو له افغانستان سره په بېلابېلو برخو کې ډېرې مرستې کړي دي.
اتونبایوا د افغانانو په تېره بیا د ښځو پر اساسي حقونو د بندیزونو ترڅنګ د اقلیمي بدلون د ناوړه اغېزو په شان د افغانستان د نورو ننګونو یادونه هم وکړه.