تاند (شنبه، د میزان ۲۱ مه) د افغانستان لپاره د امریکا پخواني ځانګړي استازي زلمي خلیلزاد د عمران خان د نیونې، د پښتون ژغورنې غورځنګ د سوله ییزې جرګې د مخنیوي او د داعش یا د اسلامي دولت د خراسان څانګې د ملاتړ په اړه د پاکستان پوځ ته د انتقاد ګوته ونیوله.
خلیلزداد تېره شپه (د اکتوبر ۱۱ مه) پر خپله ایکسپاڼه بې له دې چې د عمران خان نوم یاد کړي، د پاکستان د پوځ لوی درستیز ته په اشارې کښلي:«اصف مُنیر ستونزه غټوي، ده د پاکستان تر ټولو مشهور سیاسي مشر په ناسمو او جعلي تورونو نیولی؛ هڅه یې کړې چې د هغه سوله ییز لاریون (جرګې)، چې د بشري حقونو ملاتړ او دفاع کوي، مخه ونیسي چې اوس یې پرې بندیز لګولی دی.»
خلیلزاد همداراز لیکلي چې د پاکستان د پوځ لوی درستیز په سیمه ییزه کچه د خپل هیواد له تاریخي دښمن هند سره اړیکې نورې هم خرابې کړي او همداراز یې د طالبانو له موقت حکومت سره اړیکې ترینګلې کړي دي.
خلیلزاد ویلي چې د طالبانو حکومت پر پاکستان تور پورې کوي چې داعش ته یې پناه ورکړې او «منځنۍ اسیا ته د سفر په ترڅ کې ما د دغو هیوادونو له کارپوهانو او چارواکو هم ورته تورونه واورېدل. که دا رښتیا وي نو دا به له اور سره تر لوبو بدتره وي. جنرال منیر خپل هیواد چیري بیايي؟ ستراتیژي یې څه ده؟ پاکستان د دې مستحق نه دی.»
@GENAsimMunir is enlarging his problem. He has detained Pakistan’s most popular political leader on trumped-up charges; he has tried to stop peaceful demonstrations; he has now banned @ptmNFT a human rights advocay group. Regionally, he expanded his country’s historically…
— Zalmay Khalilzad (@realZalmayMK) October 11, 2024
د پاکستان پوځ او استخباراتو په وروستیو ورځو کې خورا ډېرې هڅې وکړې چې د پښتون ژغورنې غورځنګ د رابلل شوې جرګې (د پښتنو د عدالت جرګه) د جوړېدو مخه ونیسي، دوی پر پښتون ژغورنې غورځنګ بندیز ولګاوه، دغه غورځنګ یې غیرقانوني اعلان کړ، د هغه د غړیو د پاکستاني تابعیت د لغوه کولو پټکه یې وکړه او د جرګې د تخریب لپاره یې نه یوازې خیمې او وسایل ویجاړ کړل بلکې د جرګې د تنظیموونکو ۴ غړي یې ووژل او لږترلږه ۱۰ نور یې ټپیان کړل.
شيطانه،
افغانستان خو دې تباه کړ او لا يخ شوی نه يې. افغانستان دې په لوی لاس باجوه ته په لاس ورکړ او نور وتښتېدې.
خاينه، د هېواد نجونې او ښځينه دې له زده کړو او هر څه بې برخې کړې، نور نو څه غواړې؟