تاند ( دوشنبه د میزان ۱۶مه) د ایران د پولیسو عمومي قومندان احمد رضا رادان یو ځل بیا له دې هېواده د مهاجرینو پر جبري ایستلو او شړلو ټینګار کړی دی.
ایراني رسنیو د نوموړي له قوله لیکلي، چې د روان زېږدیز کال تر پایه به له ایران څخه کابو دوه میلیون بې اسناده کډوال و ایستل شي.
رادان په خپلو خبرو کې هغو کډوالو ته چې قانوني اسناد نه لري د روان کال تر پایه خپلو هېوادونو ته د ستنېدو وخت ورکړی دی.
رادان داسې مهال دا څرګندونې کوي، چې یواځې په تېره یوه میاشت کې ایران تر ۲۴۰ زره زیات افغانانان ایستلي دي.
د کډوالۍ نړیوال سازمان ویلي، چې په یاده شمېره کې ۴۳ سلنه یې په جبري ډول ایستل شوي دي.