تاند ( دوشنبه د میزان ۱۶مه) رویټرز خبري آژانس د ایران د دوه لوړ پوړیو امنیتي چارواکو له قوله ویلي، چې د سپاه پاسداران د قدس ځواک د قومندان اسماعیل قاآني د برخلیک په اړه هېڅ خبر نشته.
په دې وروستیو ورځو کې د حزب الله د لوړ پوړي چارواکي هاشم صفی الدین، چې د حسن نصرالله د ځای ناستي اصلي نوماند بلل کېږي او د قومندان قاآني د وضعیت او موقعیت په اړه شکونه رامنځته شوي دي.
دغو دوه لوړ پوړیو ایراني امنیتي چارواکو رویټرز ته ویلي، چې اسماعیل قاآني د حسن نصرالله له وژل کېدو وروسته لبنان ته سفر کړی دی.
سرچینه زیاتوي، چې نوموړی د تېرې اوونۍ په وروستیو کې پر بیروت د اسرائیلو له نوي برید وروسته نادرکه دی او لا یې غږ نه دی اورېدل شوی.