تاند ( دوشنبه ـ د میزان ۹مه) د اسرائیلو له لوري د حسن نصرالله د وژنې په غبرګون پرون يکشنبه د پاکستان په کراچۍ ښار کې لاریونوالو غوښتل د امریکا په کونسلګرۍ ورننوځي خو د یاد هېواد حکومت یې مخه نیولې ده.
لاریونوالو د حزب الله د وژل شوي مشر حسن نصرالله انځورونه لاسونو لېږدول او له پولیسو سره یې د اخ وډب ترڅنګ “مرګ پر امریکا” شعارونه ورکول.
پولیسو اعلان وکړ، چې د لاریونوالو پر ډبرو ویشتلو اووه امنیتي سرتېري ټپیان شول او روغتون ته وړل شوي دي.
د پولیسو یوه چارواکي ویلي، چې د لاریونوالو له برید وروسته دوی اړ شول چې د خلکو د خورولو لپاره له اوښکي بیوونکي ګاز او اوبو کار واخلي.
د رویټرز خبري سرچینې د راپور له مخې د شیعه مذهبي سیاسي ګوند مجلس وحدت المسلمین، چې د ایران له ملاتړه برخمن ګڼل کېږي؛ د پاکستان په تر ټولو لوی ښار کې دا لاریون جوړ او شاوخوا درې زره کسانو په کې برخه اخیستې وه.
د معلوماتو له مخې د لبنان د حزب الله مشر حسن نصرالله د د تېرې پنج شنبې په ورځ په لبنان کې د اسرائیلو د هوایي برید له کبله ووژل شو.