تاند (پنجشنبه، د سنبلې ۲۹ مه) د طالبانو د بهرنیو چارو وزیر امیرخان متقي د ټي ټي پي د ملاتړ په باب د پاکستان د استازي څرګندونې رد کړې.
پرون (چهارشنبې) د افغانستان په اړه د ملګروملتو د امنیت شورا په غونډه کې د پاکستان استازي وویل چې پاکستاني طالبان یا ټي ټي پي، چې ده فتنه الخوارج وبلل، هره ورځ د افغانستان له خاورې پاکستان ته اوړي او پر پاکستاني ځواکونو حملې کوي.
ده همداراز ادعا وکړه چې پاکستان کره اسناد او شواهد لري چې ټي ټي پي د طالبانو د ځینو عناصرو له ملاتړه برخمنه ده.
خو امیرخان متقي نن په یوه خبري غونډه کې د پاکستان د استازي څرګندونې رد کړې.
متقي چې د خپل وزارت پروګرامونه او بریاوې تشریح کولې، همداراز وویل چې د تېر یوه کال په موده کې د بهرنیو چارو وزارت توانېدلی چې د سیمې په کچه د هېواد بهرنۍ سیاسي استازولۍ کنټرول او مدیریت کړي او دمګړۍ په بېلا بېلو هېوادونو کې د افغانستان ۳۹ سیاسي استازولۍ د اسلامي امارت اطاعت کوي.
متقي زیاته کړه چې د بهرنيو چارو وزارت له لوري د ډيپلوماتيکو اړيکو او سياسي درک رامنځته کولو د هڅو پر دوام قزاقستان او قرغيزستان هېوادونو د خپلو ممنوعه ډلو له نوملړ څخه د اسلامي امارت نوم بهر کړی او روسيه به هم په نژدې راتلوونکي کې ورته اقدام وکړي.
د طالبانو د بهرنیو چارو وزارت سرپرست د یوې پوښتنې په ځواب کې وویل؛ ملګرو ملتونو او نړیوالې ټولنې ته په کار ده چې په افغانستان کې روان حقایق په نظر کې ونیسي او د هغو مطابق قضاوت وکړي.
طالبان له ملګروملتو غواړي چې په دغه سازمان کې د افغانستان چوکۍ دوه ته وسپاري خو ملګري ملتونه او ګڼ هیوادونه د ښځو په وړاندې د طالبانو تبعیضي پالیسیو ته په کتو د هغوی حکومت په رسمیت نه پېژني.
ملا جانه د رسمیت پېژندلو کلي له تاسو سره ده ، نړیوالو ته سوال مه کوئ . په خپله له ځان سره فکر وکړئ ، چې ستاسو کوم اعمال او کړنې د دې سبب شویدي چې نړۍ تاسې په رسمیت نه پېژني ؟ که له خپل لجاجت نه تېر نه شئ ، لرې نه ده ، چې ستاسو موقته پروژه به ختمه او افغانستان به یوځل بیا د شریرو ، مفسدو، سړي وژونکو او د پردیو جاسوسانو لاس کې ولوېږي . خو ملامتي به ستاسو په نوم د افغانستان په معاصر تاریخ کې ثبت شي .
! د مور میړه کافرستان داسي تاختونه درباندي کوي. وجه یې دا ده سي ځان د دومره ذلیله کړ هیڅوک د نه پیزني . ځکه به هر څوک د خپل بام واوره ستا کور ته دراچوي. نو تاسي خو کونیان د مدرسو لوطیان یاست کله غرور ضمیر لرۍ. د تا سوډر خو به هم یوه اورته تورغري درنه یرغمل کړې وي. ای ستا په طغوتي جهاد کې م وکړم 😡