تاند (یکشنبه، د سنبلې ۱۷ مه) ټاکل شوې ده چې د افغانستان او نیوزیلنډ د کرکټ ملي لوبډلې سبا (دوشنبه) په لومړنۍ ټیست مسابقه کې له یو بل سره مخامخ شي.
دا سیالي، د افغانستان په کوربه توب د هند په ګرېټر نویدا لوبغالي کې کېږي.
د افغانستان او نیوزیلنډ لوبډلو تر دې وړاندې په خپل منځ کې ټیست سیالي نه ده کړې.
افغانستان په تېر نړیوال شل اوره جام کې نیوزیلند ته ماته ورکړه خو دې ته په کتو چې د افغانستان ټیم له ۲۰۱۷ څخه، چې د کرکټ نړیوالې شورا د ټیستلوبو ټیمونو په کتار کې راوستی، یوازې څو ټیست سیالۍ کړي، نیوزیلنډ په دې فارمټ کې ډېره تجربه لري.
د افغانستان او نیوزیلنډ ټیستلوبه به د افغانستان د ماښام په شپږ نیمې بجې پیل شي.