دا خبر تازه کېږي
تاند (دوشنبه، د سنبلې ۱۲ مه)راپورونه وايي چې برید انتحاري و او د طالبانو د څارنوالۍ، چې دوی یې د فرمانونو د تعقیب او نطارت ریاست بولي، کاکروونکي یې په نښه کړي دي.
د لومړنیو معلوماتو له مخکې لږترلږه ۱۲ تنه وژل شوي او ممکن د تلفاتو اصلي شمېر تر دې خورا ډېر وي.
خو رویآرز خبري اژانس وايي چې لږترلږه ۶ تنه وژل شوي او ۱۳ نور ژوبل دي.
د کابل په دارلامان واټ کې چاودنه شوې
طالبانو په پلازمېنه کابل کې چاودنه تایید کړه خو د جزییاتو په اړه یې له څه ویلو ډډه وکړه.
د طالبانو د حکومت د کورنیوچارو وزارت ویاند عبدالمتین قانع وویل چې د کابل په دارالامان سیمه کې نن مازدیګر چاودنه شوې، جزییات به یې وروسته اعلان شي.
شاهدان وايي چې د دارلامان ماڼۍ ته په غځېدلي سړک کې د لویې څارنوالۍ د ودانۍ په خوله کې چاودنه شوې ده.
شاهدان همداراز وايي چې سیمه سمدستي طالبانو محاصره کړه او امبولانسونه یې ولیدل چې د پېښې له ځایه یې ټپیان یا احتمالاً مړي ولېږدول.
تراوسه پورې کومې ډلې د دې برید مسوولیت په غاړه نه دی اخیستی.